Taliyaha Booliska Soomaaliyeed” Askarigii dhib u geysta qof shacab ah maheli doono gabaad”

Taliyaha Booliska Soomaaliyeed” Askarigii dhib u geysta qof shacab ah maheli doono gabaad”

April 14, 2019 0 By walaal24

 

Taliyaha Ciidanka Booliska Soomaaliyeed Sarreeye Gaas Bashiir Cabdi Maxamed Ameeriko oo ka hadlay Dhacdooyinkii Shalay ka dhacay Magaalada Muqdisho ayaa sheegay in lagu raad-joogo askarigii ka dambeeyey falkii shalay, kaasi oo sida uu sheegay ka tirsan Ciidanka Booliska Soomaaliyeed.

“Ciidanka Booliska Soomaaliyeed waxey ku raad-joogaan Askarigii falkaasi wuxuushnimada ah gesytay, waxaana hadda xiran taliyihii Aagaasi qaabilsanaa, Waxaan shacabka Soomaaliyeed ogeysiineynaa in Booliska ay kusoo wargeliyaan Askariga baxsadka ah ee dilka ku eedeys” ayuu yiri Taliyaha Booliska Soomaaliyeed.

Taliyaha Ciidanka Booliska Soomaaliyeed  ayaa sidoo kale sheegay in Askarigii dhibaato u geysta qof shacab ah uusan heli doonin gabaad, islamarkaana sharciga lala tiigsan doono.

Taliyaha  ayaa dhinaca kale sheegay in gacanta ay ku hayaan dad sida uu sheegay qas-wadayaal ah oo ku dhex gambanayey dadkii ka carooday falkii shalay, kuwaasi oo uu sheegay iney u adeegayeen cadowga oo ay boob u gesyteen goobo ganacsi.

Facebook Comments