Ra’iisul Wasaaraha Xukuumada Federalka Soomaaliya oo la kulmay Madaxda Bangiga Adduunka

Ra’iisul Wasaaraha Xukuumada Federalka Soomaaliya oo la kulmay Madaxda Bangiga Adduunka

April 9, 2019 0 By walaal24

 

Ra’iisul Wasaaraha Xukuumada Fedraalka Soomaaliya Xassan Cali Khayre iyo wafdi uu hoggaaminayo oo booqasho ku jooga dalka Mareykanka, ayaa ka qeyb gelaya shirka sanadlaha oo ay iskugu yimaadaan hay’adaha maaliyadda dunida.

Ra’iisul Wasaaraha  Soomaaliya ayaa kulan kula qaatay magaalada Washington gudoomiye ku-xigeenka bangiga adduunka, Xafiz Ghanim.

Ra’iisul Wasaaraha iyo Guddoomiyaha Bangiga adduunka ayaa ka wada hadlay tallaabooyinka waaweyn ee dowladda Soomaaliya u qaadday dhanka dhib-u-habeynta hay’adaha dowladda, gaar ahaa nidaamka maaliyadda dalka. Labada masuul ayaa sidoo kale isla soo qaaday habsami u socodka dadaallada Soomaaliya looga cafinayo deymaha.

Kulanka labada mas’uul ayaa waxaa qeyb ka ahaa guddoomiyaha bangiga dhexe ee Soomaaliya, Cabdiraxmaan Moxamed Cabdullaahi, Hantidhowrka Qaranka iyo wasiirka maaliyadda.

Sanadkaan waxaa jiri doono qeyb u gaar ah Soomaaliya oo lagu gorfeyn doono dhaqaalaha Soomaaliya iyo sida dunidu uga qeyb qaadan karto kobcinta dhaqaalaha dalka.

Facebook Comments