Wasiirka Arimaha Dibada ee Dalka Ereteriya oo soo gaaray magaalada Hargeysa ee Soomaliland

Wasiirka Arimaha Dibada ee Dalka Ereteriya oo soo gaaray magaalada Hargeysa ee Soomaliland

March 18, 2019 0 By walaal24

 

Wefdi ballaadhan oo ka socda dalka Ereteriya oo uu hoggaaminayo wasiirka arrimaha dibadda dalka Ereteriya, Mudane Cismaan Saalax Maxamed, ayaa maanta soo gaadhay caasimadda maamulka Somaliland ee magaalada Hargeysa.

Ugu horrayn waxa wefdiga gegida caalamiga ah ee Cigaal International Airport kusoo dhaweeyey madaxweyne-ku-xigeenka Jamhuuriyadda Somaliland, Mudane Cabdiraxmaan Cabdilaahi Ismaaciil (Saylici) iyo wasiirrada arrimaha dibadda iyo horumarinta maaliyadda Somaliland, Prof. Yaasiin Maxamuud Xiir (Fara-toon) iyo Sacad Cali Shire, waxayna ay usoo gelbiyeen dhinaca qasriga madaxtooyada, halkaas oo si diirran uu ugu qaabilay madaxweynaha maamulka Somaliland, Mudane Muuse Biixi Cabdi.

Madaweynaha Somaliland, Mudane Muuse Biixi Cabdi, ayaa kulan gaar ah la qaatay wefdiga ka socda dalka Eriteriya ee uu horkacayo wasiirka arrimaha dibadda dalka Eriteriya, Mudane Cismaan Saalax Maxamed, waxana uu kulankaas oo is xogwaraysi ahaa uu qaatay muddo saacado ah.

Wasiirrada arrimaha dibadda ee maamulka Somaliland iyo Dalka Eriteriya, ayaa markii kulankaasi dhammaaday warbaahinta la hadlay, waxayna ka hadleen  ujeeddada wefdiga ka socda dalka Eriteriya u yimaadeen iyo waxyaabihii ay madaxweynaha iyo wefdigu ka wada hadleen.

Ugu horrayn wasiirka arrimaha dibadda dalka Eriteria, Mudane Cismaan Saalax Maxamed, ayaa sheegay in la gaadhay waqtigii qiimayn lagu samayn lahaa xaaladda dalka Somaliland, islamarkaana ay madaxweynahoodii ku celin doonaan xaaladda dhabta ah ee ka jirta Somaliland, waxana isaga oo arrimahaas ka hadlaya uu yidhi, waana sida ay hadalka u dhigeen maamulka Soomaliland.

“Weftigayaga ka socda dalka Eriteriya waxa nasoo diray madaxweynahayaga Mudane Isaias Afwerki, si aannu wax badan uga oggaanno xaaladda Somaliland. Imika waxa la gaadhay waqtigii aannu Somaliland iman lahayn ee aannu xaaladda qiimayn lahayn, madaxweynahana waannu la kulannay oo warbixin xiiso leh buu na siiyey, waxana uu noo sharraxay xaaladaha siyaasadeed, bulsheed iyo kuwa dhaqaale ee dalka, imikana waxannu noqonaynaa annaga oo madaxweynahayagii u sidna xaaladda ka jirta Somaliland, tanina ma noqon doonto booqashadii ugu dambaysaye waxa ay noqon doontaa mid furanta, waxana aannu rajaynaynaa inaanu Somaliland marar badan kusoo laaban doonno.”

Wasiirka wasaaradda arrimaha dibadda iyo xidhiidhka caalamiga ah ee Jamhuuriyadda Somaliland, Prof. Yaasiin Maxamuud Xiir (Faro-toon), ayaa isaguna dhankiisa xusay in madaxweynaha iyo weftiga ay kulankooda diiradda ku saareen sidii ay dalalka geesku isu kaashan lahaayeen, islamarkaana loo wadaagi lahaa afkaarta, waxana isaga oo arrimahaas ka hadlaya uu yidhi.

“Weftigu waxa ay u yimaaddeen inay is-kaashiga iyo xidhiidhka dalalka geeska Afrika, gaar ahaan labada dal ee Somaliland iyo Eriteriya ay ka shaqeeyaan oo ay xoojiyaan iyo sidii arrimahaas looga wada hadli lahaa ee ra’yi iyo afkaar la iskaga dhaafsan lahaa, si wanaagsanna waannu u wada hadalnay.”

Weftiga ka socda dalka Eriteriya ee soo gaadhay Somaliland, ayaa daba socda wufuud caalami ah oo muddooyinkii ugu dambeeyey Somaliland imanayey, kuwaas oo markhaati u ah sida dalka Jamhuuriyadda Somaliland usoo jiitay indhaha beesha caalamka.

Image may contain: 4 people, people smiling, people standing and suit

 

Image may contain: 6 people, people smiling, people standing and suit

 

Image may contain: 3 people, people smilingImage may contain: 3 people, people smiling

 

Image may contain: 2 people

 

Image may contain: 1 person

 

Image may contain: 1 person, sitting

 

Image may contain: one or more people, people sitting and shoes

 

Image may contain: 3 people, people sitting and suit

 

Image may contain: 3 people, people sitting, wedding and suit

 

Image may contain: 1 person, standing

 

Image may contain: 2 people, people standing

 

Image may contain: 2 people, people sitting

 

Image may contain: 2 people, people smiling, people sitting

 

Image may contain: 7 people, people smiling, people standing and suit

 

Image may contain: 1 person

 

Image may contain: 1 person

 

Image may contain: 2 people, people standing

 

 

Facebook Comments