Dalalka Sacuudiga iyo Aljeeriya oo deymihii ay ku lahayeen  Dalka Soomaaliya ka cafiyeen

Dalalka Sacuudiga iyo Aljeeriya oo deymihii ay ku lahayeen Dalka Soomaaliya ka cafiyeen

January 19, 2019 0 By walaal24

 

Dalalkii ugu horeeyay ayaa ka cafiyay deyntii lagu haa Dalka Soomaaliya, Shirka Wasiirrada Jaamacadda Carabta ee ka furmay Magalada Bayruut ee Dalka Lubnaan, waxaana shirkaas ka qeybgalay Wasiirka Maaliyadda Soomaaliya, Dr; C/raxmaan Ducaale Beyle, ayaa rajo wanaagsan ka muujiyay in Dalalka Carabta ka cafiyaan deymaha, si ay taasi Gogal-xaar ugu noqoto saamaxaadda deymaha ee Caalamka intiisa kale.

Mr; Beyle oo hadal ka jeediyay shirka , ayaa uga mahad celiyay Dowladaha Carabta taageerada joogtada ah iyo meelmarinta qaraarrada la horkeeno Golaha, si loo taageero dedaallada socda ee fulinta qorshayaasha horumarinta Qaranka iyo cafinta Deymaha Soomaaliya.

“Taageerada Caalamiga ah iyo tan Jaamacadda Carabta ee Dalka waa lagama maarmaan waana xaq walaalnimo, si loo xaqiijiyo qorshayaasha leh mudnaanta islamarkaana loo daboolo caqabadaha caqabadaha dhinaca ammniga, dhaqaalaha iyo Bulshada.” Ayuu yiri Wasiirka Maaliyada.

Waxa uu mahad celin u jeediyay, Wasiirka Maaliyadda, C/raxmaan Ducaale Beyle, Dalalka Sacuudiga iyo Aljeeriya oo ka cafiyay deynta Soomaaliya, taasi oo ka dhigan deynta haatan lagu leeyahay Dalka in ay tahay 4.6 Bilyan oo Dollar oo ay ku jirto 1.1 Bilyan oo ay leeyihiin Dowladaha Carbeed.

Hay’adda lacagta Adduunka ee IMF ayaa dhowaan ku ammaantay Dowladda Soomaaliya sida ay uga gudubtay wajiga koowaad ee sharuudaha deyn cafinta.

blob:blobinternal%3A///https://sonna.so/wp-content/uploads/2019/01/

https://sonna.so/wp-content/uploads/2019/01/

blob:blobinternal%3A///

Facebook Comments